KH-CSFT

ភ្នំជីសូជាកន្លែងប្រវត្តិសាស្ត្រមួយ ដែលមានទីតាំងស្ថិតនៅភូមិសៀ ឃុំរៀង ស្រុកសំរោង ដែលមានចម្ងាយប្រហែល ៦២គីឡូម៉ែត្រ ( ជិះតាមបណ្ដោយផ្លូវជាតិលេខ ២ ) ខាងត្បូងក្រុងភ្នំពេញ និងមានចម្ងាយ ២៧គីឡូម៉ែត្រ ខាងជើងទីរួមខេត្តតាកែវ។ ភ្នំជីសូមានកម្ពស់ ១៣ម៉ែត្រ ហើយចំពោះប្រាសាទភ្នំជីសូបានកសាងឡើងឡើងនៅដើមសតវត្សទី១១ ដោយព្រះបាទសូរ្តវ្ម័នទី១ តាមលិទ្ធិព្រហ្មញ្ញសាសនា ដែលមានបណ្ដោយ ៦០ម៉ែត្រ និងទទឺង ៥០ម៉ែត្រ ដោយមានទីតាំងស្ថិតនៅលើកំពូលភ្នំ។  (រូបភាពភ្នំជីសូរថតពីក្រោម)

ស្ទឹងសង្កែ គឺជាស្ទឹងដ៏សំខាន់មួយដែលហូរកាត់ទីប្រជុំជនខេត្តបាត់ដំបង។ ស្ទឹងនេះមានប្រភពនៅភ្នំទឹកព្រិលដែលជាភ្នំមួយនៅត្រង់ខេត្តប៉ៃលិន ដែលគេហៅថា ស្រុកលើ ហើយមានស្ទឹងតូចៗជាច្រើនហូរមកដូចជាអូរក្បាលក្របី, អូរគគីរ, ស្ទឹងគ្រញូង, អូរស្ពាន, អូរត្រែង, អូរអណ្ដូង, ស្ទឹងកំពង់គល់។ល។កាលពីដើមឡើយ នៅប្រមាណ ៣គ.ម ខាងត្បូងទីប្រជុំជនខេត្តបាត់ដំបង ស្ទឹងសង្កែហូរបែកជាពីរ គឺអូរដំបង និងអូរសង្កែ។ តែក្រោយមក គេបានចាត់ចែងទប់ស្ទឹងអូរដំបងនេះដើម្បីអោយទឹកហូរមកតែមួយផ្លូវ តាមស្ទឹងដែលហូរកាត់ ទីប្រជុំជនខេត្តបាត់ដំបង់។  (ទិដ្ឋភាពស្ទឹងសង្កែ) បើតាមសេចក្ដិដំណាលរបស់ចាស់ៗជំនាន់មុន មកបាននិយាយថា ស្ទឹងសង្កែកាលពីដើមឡើយជាស្ទឹងតូចមួយ ដែលមានទទឹងប្រហែល ៤ទៅ៥ម៉ែត្រ ត្រង់មុខវត្តសង្កែ ហើយមានដើមសង្កែមួយដុះទេរទៅត្រើយម្ខាង។ គេដើរលើដើមសង្កែនោះឆ្លងស្ទឹងបាន ទើបបានជានៅទីនោះគេហៅថា គុម្ពសង្កែៗ។ តមកគេបានសាងវត្តនេះឡើងហៅថាវត្តសង្កែ។ ឯតួស្ទឹងធំសម្រាប់បាត់ដំបង គឹស្ទឹងនៅត្រង់នោះឯង។ ហើយភូមិអូរដំបងសព្វថ្ងៃនេះបានជានៅខាងចុងស្ទឹងនេះ គេហៅថា ស្ទឹងចាស់ គឹនៅត្រង់ភូមិចាស់។ (រូបភាពវត្តសង្កែ ឆ្នាំ១៩៦០) ហើយនៅក្នុងកំឡុងពេលដែលទប់ស្ទឹងនេះផងដែរ គេបានធ្

បឹងយក្សឡោម ជាបឹងមួយស្ថិតនៅក្នុងឃុំយក្សឡោម ស្រុកបានលុង ខេត្តរតនៈគិរី។ បឹងយក្សឡោមជារមណីយដ្ឋានធម្មជាតិ ដ៏ស្រស់ត្រកាលគ្មានពីរក្នុង ប្រទេសដែលបានកើតឡើង ដោយសារបន្ទុះភ្នំភ្លើងតាំងពីរាប់ រយឆ្នាំមុនមកម៉េ្លះ។ ទិដ្ឋភាពក្នុងបឹងយក្សឡោម មើលទៅដាច់កន្ទុយភែ្នក មានព្រៃព្រឹក្សា ដុះអមជុំវិញ បឹងដែលជាម្លប់សម្រាប់ កម្សាន្ត រីឯផៃ្ទទឹកមានពខៀវស្រងាត់ ទឹកត្រជាក់ថ្លាឆ្វង់ស្ទើរតែអាចឆ្លុះមុខបាន រហូតធ្វើឲ្យអ្នកទស្សនាមិនចង់ឃ្លាតពីកនែ្លងនេះ ឡើយ។   ( ទិដ្ឋភាពបឹងយក្សឡោម ) រមណីយដ្ឋានបឹងយក្សឡោមមានចម្ងាយប្រមាណ ៩គីឡូម៉ែត្រពីទីក្រុងបានលុងដែល ជាបេះដូងនៃខេត្តរតនៈគិរី។ បឹងនេះមានបរិមាត្រ ២៦១២ម៉ែត្រ ដែលមានអង្កត់ផ្ចិត ៨០០ម៉ែត្រ និងជម្រៅ៥០ម៉ែត្រ។ ដោយសារតែខេត្តនេះជាខេត្តមួយសម្បូរទៅដោយសម្បត្តិធម្មជាតិបែបនេះ បានជាធ្វើឲ្យបណ្តាប្រជាជន ដែលរស់នៅ ជុំវិញខេត្តនេះនាំគ្នាទៅរស់នៅទីនោះ។   (ទេសភាពនៃផ្ទៃទឹកបឹងយក្សឡោម) (ផ្ទះបងប្អូនជនជាតិភាគតិច)

រមណីយដ្ឋានដ៏ស្រស់ស្អាតចម្លែកមួយដែលសង់ឡើងពីដើមឬស្សី មានផ្ទៃដីទំហំ ៥ហិចតា នៅជាប់រមណីយដ្ឋានភ្នំហាន់ជ័យខាងទឹកដី ភូមិព្រែកព្រះអង្គ ឃុំព្រែកបាក់ ស្រុកស្ទឹងត្រង់ ដែលមានចម្ងាយ​ប្រហែល ២៥គីឡូម៉ែត ពីទីរួមខេត្តកំពង់ចាម។ រមណីយដ្ឋានត្រូវបានសាងសង់ពី​ឬស្សីសឹងតែ១០០% ដែលមានអាគារសរុបចំនួន១៥ គឺត្រូវបានសង់ឡើងពីដើមឬស្សីស្រុក, ឬស្សីស្រុកចិន, និងឬស្សីពីងពង់ ក្នុងនោះមានដូចជាបឹងគីឡូ, អាគារទទួលភ្ញៀវ, ភោជនីយដ្ឋាន,​ អគារសមាធិ, អគារអន្តវាសិក, អគារបុគ្គលិក, អគារធ្វើសរសៃ, និងអាងហែលទឹកជាដើម។ (សំណង់ធ្វើពីឬស្សី) រមណីយដ្ឋាននៅលើភ្នំហាន់ជ័យ ដែលមានឈ្មោះជាភាសាអង់គ្លេសHANCHEY BAMBOO-RESORT បានបើកសម្ពោធជាផ្លូវការនៅថ្ងៃទី ១៣ ខែតុលា ឆ្នាំ២០១៨នេះ ហើយនឹងបើកអោយភ្ញៀវចូលទស្សនានិងស្នាក់នៅ ចាប់ពីថ្ងៃទី ១៥ ខែតុលាតទៅ។ រមណីយដ្ឋាននេះមានផ្តល់សេវាកម្មតាមបែប ទេសចរណ៍ បដិសណ្ឋារកិច្ច ភោជនីយដ្ឋា សណ្ឋាគារ ជូនភ្ញៀវដែលមកកម្សាន្ត លែហែកាយ វិបស្សនា សមាធិ ដើម្បីព្យាបាលផ្លូវចិត្ត ដែលមានគ្រូពេទ្យផ្នែកជំនាញខាងចិត្តសាស្ត្រមកព្យាបាទៀតផង ។ (អាងហែលទឹក)